ma cam

مساء الخير ..
طبعاً الإجازة بدت والملل بدا معها ..

وانا من كم شهر وانا احاول أجمع لي أشياء أسويها خلال هالإجازة الطووويله ..: فيس يقكر بعمق :
من بين هالاشياء كان إني أتهور و أشتري كاميرا ديجيتال نصف إحترافيه وانا اصلا ماعرف شيء في التصوير
يعني بحياتي ماقد صورت الا بكميرة الجوال .. كانت مغامره بالنسبه لي اني اشتريها

شريت canon G10

للإطلاع ع المواصفات .. اضغط لينك الصورة تحت الشات بوكس ع اليمين


طبعا انا ماكنت مخططه ع هالكام بالذات
كنت أبغى G9
لأن زميله دراسه مدحتها لي كثير وغير كذا تحمست لكلام الإخت كاوي في مدونتها عن الكانون جي 9
هنا
رحت كذا محل ودورتها ومالقيت الا الجي 10
وماكنت باخذها لكن الوالد عصب علي خخخخ .. يقول كل هالمشاوير بالاخير ترجعين بخفي حنين !
فـ توكلت على الله وخذتها

من فترة أحاول اصور فيها حاجات
لكن البيئه هنا ماتساعد ث1
فـ متأمله خير اذا رحت الخبر او الغربيه انو تطلع مني صور احسن من هيك :P

المهم اليوم جلست احوس ببيتنا ع شيء يتصورا

قلت بأطلع برى يمكن فيه نمله شكلها حلو عشان اصورها :P
مالقيت الا شمس وحر وكتمه : فيس متحطم :
فدخلت داخل أجر أذيال الخيبه
مالقيت شيء اصورة الا بغرفتي
خذت الابجورة و نظارات الوالد :P

وجلست احوس وذا اللي طلع

<< لرؤيه الصورة بحجم اكبر اضغط عليها :P
من زاويهـ إخرى



وهذي صورة أخرى أخذتها من فتره .. نوعا ما حبيتها ^^


و بس ..!


.
.
عموما انا لسى مبتدئه وبقوه
أتمنى بالمستقبل أكون أفضل بكثير من كذا
وهالشيء ماراح يصير إلا بالممارسه أكيد ..

.
.

C.u